Са святам! Дзякуй за працу!
Ветэран працы, ардэнаносец Міхаіл Швед адзначыў 90-гадовы юбілей.
Міхаіл Мікалаевіч амаль усё жыццё адпрацаваў у саўгасе «Дзмітравічы» (ААТ «Бярэзінскі райаграсэрвіс»).
Служба яго праходзіла ў Ваенна Марскім флоте 6 гадоў на Далёкім Усходзе. Пасля дэмабілізацыі ён трапіў у Паўладарскую вобласць. Пасля вяртання на радзіму ён працаваў механізатарам, рабочым у паляводстве, у 1963 годзе быў прызначаны брыгадзірам жывёлагадоўчага ўчастку “Белавічы”, дзе адпрацаваў больш за 40 гадоў. За шматгадовую плённую працу меў толькі станоўчыя водгукі.
Зараз Міхаіл Мікалаевіч пражывае ў Белавічах. Дом і прысядзібны ўчастак дагледжаны. Адразу бачна – гаспадар.
Са словамі віншаванняў і падарарункамі завіталі да юбіляра намеснік старшыні райвыканкама Уладзімір Навіцкі, старшыня раённага савета ветэранаў Анатоль Зябко, старшыня райкама прафсаюзаў работнікаў АПК Марына Каўзуновіч, старшыня прафсаюзнай арганізацыі ААТ «Бярэзінскі райаграсэрвіс» Чабатар Ірына.
– Дзякуй за вашу плённую працу! Моцнага вам здароў‘я, Міхаіл Мікалаевіч і шчасця, – гаварылі госці.
– Вельмі прыемна бачыць вас. Дзякуй вам за увагу, шчырыя словы. Жадаю вам усім моцнага здароўя. Пленна працуйце, добра адпачывайце і радуйцеся кожнаму дню, – пажадаў юбіляр.
Warning: Use of undefined constant php - assumed 'php' (this will throw an Error in a future version of PHP) in /home/minoblpr/public_html/wp-content/themes/fpbV2/footer.php on line 86
Warning: Use of undefined constant php - assumed 'php' (this will throw an Error in a future version of PHP) in /home/minoblpr/public_html/wp-content/themes/fpbV2/footer.php on line 91
